財經365訊（編輯 章馨），說好的調整終于出現，隔晚美股三大指數向下，道指跟標指跟錄得五個月最大單日跌幅。至于港股喺結算日早段仍守得嚇，恒指低開215點后，曾倒升9點見32977點半日高位。可惜只系為咗頂住結算，現貨缺乏動力，在外圍股市全線下跌拖累下，港股行情掉頭回落，最多跌354點，低見32612點，剛好去到10日線( 32611 )反彈，中午報收32693點，跌273點；國指則報收13429點，跌229點。
重磅股全部腳軟，早段仲守得嚇，可能結算關系，要頂一頂個結算價，但至11點結算價幾乎塵埃落定，淡友反攻下，所以重磅股走勢逆轉。大笨象( 00005 )失守85元，呢個死守多日，失守有機會下試20日線，即83.75元左右，估計20日線有支持，一旦失守可能要回補上升裂口，或要見番82元。至于騰訊( 00700 )今早裂口低開，再失470元，有機會下試10日線(461.7)尋找支持。至于港交所( 00388 )，未能企穩300元，預咗要再落，10日線失守，下一步都系睇番20日線，大約喺281.5元。
平保( 02318 )表示要分拆「平安好醫生」喺主板上市，半日反覆跌0.3%，暫時喺90元有初步支持，亦系睇住條20日線做人。相反，靜咗一輪慨友邦( 01299 )逆市上升，內房龍頭碧桂園( 02007 )反彈反1.6%，公用股上升，通常跌市都系升呢個板塊。
至于教育股又落鑊，宇華教育( 06169 )曾升逾一成創新高，半日升8.5%，而較早前阿Man推介慨中教控股( 00839 )同樣創新高，半日升近4%。其他教育股亦有資金追捧，普遍升2%或以上。
今日期指結算大市即腳軟，睇嚟回調已展開，由于內地開始準備過年，預咗國內資金無咁活躍，加上32200-32400有大量牛證街貨，睇嚟大戶食完熊掌，系時候劏肥牛。之前阿Man講咗32800失守要小心，而32500更不容有失，一旦失守32500，睇番再落多一千點作深度調整唔出奇。要想了解更多香港市場相關新聞資訊，請您關注財經365港股頻道！
推薦閱讀>>>